白石BBQ

一如去年，我地陪嫲嫲參加教會的BBQ活動，地點同樣是白石。1點多到達，嫲嫲已經在燒野食，我地之前食左少少野，所以無乜點燒，我同Jun就去左玩。吹bubbles、撈金魚、追追逐逐、踢波，明明眼瞓到不得了都唔肯瞓，拉左我去玩跳彈床，跳跳跳，差不多跳左成20分鐘，不停的跳。以爲佢跳完一定無力會腳軟兼眼瞓，點知佢走去叫Junpa同佢放風箏，玩曬所有我地之前同佢講過的野，一樣不漏，一上車立刻瞓著！