夢想成真

14個人1個盆菜

2007-12-17T18:52:00.000-08:00

細姑媽回來又是家庭相聚的好時刻。細姑媽說沒有吃過盆菜，所以Sarah姑媽從東涌買來一個4人分量的盆菜，我們另加了菜和外賣pizza，我們幾個加上三姑媽一家14個人，有大有細，竟然吃不完！Jun 對盆菜沒有興趣，只埋首好久沒吃過的pizza上，吃的津津有味，吃完一塊，可以在吃了幾口飯，胃口挺不錯！飯後的甜品拼盆看上去好豐富，有芒果和榴蓮pancake、椰子三色糕、玉米西米椰汁糕、水果……Jun一邊食，一邊話，”What a great party!”

Into The Woods

2007-12-17T18:49:00.000-08:00

和Jun“溫習”了幾天的童話故事，終於到“開show”時間！表演場地在灣仔藝術中心.Jun由出門口一直在睡，到了灣仔地鐵站的時候還未睡醒，快要到開場的時間，來不及用電梯的出口因要拐路走遠了，我深深吸了一口氣，完後單手抱起30幾磅的Jun，右肩背起手提袋，右手提著手推車，一口氣走了兩層樓梯到地面，哇，辛苦得要命，簡直是挑戰極限，一個禮拜以後還覺得累！

McAulay Studio屬於小型表演場地，大約只有100個座位，舞臺就在地下，佈景也比較簡單，幾棵樹，一個她，一條藤蔓。表演開始前Jun先獨自參加了一個workshop,唱唱歌，聽聽故事跟人物的介紹，然後再有我陪伴看演出。我第一次可以“掉”下他，自己去了大家樂灘早餐。Ivy的女兒Rachel也有參加workshop，一向給我大膽活潑印象的Rachel竟然害怕，一直在哭，從頭到尾也不享受，Ivy大概覺得“貼錢買難受”，反觀，我以爲Jun肯定會哭，感到害怕，但好像他只在workshop時哭了一點點，小朋友的情緒真的很難講。我會再多帶Jun參與這類活動，習慣了就不會再害怕！

在劇中，所有的人物為了追尋不同的目標，而走進了森林。灰姑娘要參加舞會，傑克要賣掉老牛（milky），小紅帽要給祖母探病，王子兄弟要追求落跑的灰姑娘和高塔上的長髮公主，而麵包師夫婦則是為了破除巫婆所下的魔咒。原本屬於不同故事的人物在森林中相遇，他們的行為互相影響著彼此的命運，在各自經歷了一連串意料之外的遭遇與困惑之後，終幕時總算善惡有報，如同每個童話故事原本的結局，大家在森林中找到了追尋的目標，從此以後過著幸福快樂的生活。因爲是音樂劇，不斷的聽到歌唱，Jun也受了感染，回家以後不斷的作曲作詞，想到什麽就唱什麽，連上廁所也在唱歌，有點像以前我們看的粵語殘片，真的十分好笑。

在門口拍完照後就去吃午餐, 吉列豬排茄汁義大利粉，好味道！吃飽了，要散步消化一下，我們竟然去了灣仔街市！買了一個聖誕樹頂星，Jun又看中了一個廚房玩具（又煮飯！）買完野，去探望公公，看，Jun就“嘆”；公公就“冧”!

9 December 2007Hong Kong Arts Centre, Wan Chai
Drama workshops exploring the show
Into the WoodsA Broadway musical for the whole familyThe Brothers Grimm go Broadway in this unusual fairy tale where all of your favourite characters - Cinderella, Little Red Riding Hood, Jack (and his beanstalk) and the Witch - meet and interact on their journeys. With unforgettable roles and catchy songs, Into The Woods is a funny and engaging way to get young people to rethink traditional stories.

童話故事

2007-12-17T18:41:00.000-08:00

聖誕節多人放假，細姑媽表姐表哥放假回來，Spanish老師David又回家鄉過節，Jun有學校假期，那我也放幾天吧，這個禮拜將會使我們“繁忙”節目的開始……因學校旅行的興趣班補課、Disney、musical、澳門行、Ocean Park, 聖誕蛋糕班、X’mas gatherings……諗起都開心…….但我同Junpa又怕人多…….

講開個Musical, Into the woods, 演出場地將在藝術中心，Jun會先上一個workshop，然後跟我一起看演出。這幾天我已經開始跟Jun講一些童話故事，因爲好多人物如長髮姑娘Rapunzel和女巫、傑克
(Jack and the beanstalk)、小紅帽Red Riding Hood與狼、灰姑娘Cinderella等也會出現，先讓Jun認識這些童話故事，希望到時候他能看的懂。

細姑媽一家回來過節!

2007-12-17T18:36:00.000-08:00

這個聖誕將會好熱鬧，除了節目豐富外，好多人從國外回來過節。細姑媽一家剛到，將會跟我們住在上一個月。本來以爲Jun見到他們開始的時候會有點害羞，想不到原來Jun認得出他們，給他們先來個Welcome Hug! 然後，見Jun立刻拖個Thomas track set 出來，把track全掉在地上，不要以爲他搗亂，原來這是他跟人家聯絡關係的方法，他覺得有人來要share玩具一起玩，哈，有幾乖! Jun實在喜歡熱鬧，到晚上遲遲也不肯睡，又不願意去洗澡，但每次只有Janice表姐拖住他，他就肯去! 他們來了我就多了時間，姑媽會跟他講故事，學會表姐表哥自己看書。

晚上吃上海餛飩，每個人也吃了好多，除了我和Jun。10歲的表姐和7歲的表哥竟然每人能吃12+，姑媽、姑丈和Junpa吃20++，我和Jun兩個加起來就只吃8隻，一看每人的身材，突然覺得不公平！這是Jun自己包的餛飩！

早上等校車時，Jun知道表姐表哥陪他等車，就不再睡在推車上（超難得！），還會下車拍照（不過，你看他的眼，肯定未睡醒！）

聖誕樹

2007-12-17T18:24:00.001-08:00

12月都已經過了一半，終於“的”起心肝設置聖誕樹，去年比較空閒，整棵樹是自己做的，看起來比較簡單但花上的時間卻不少，卡紙要先裁剪，尤其是要剪鐵線做鈎，逐個貼上去。別以爲用紙灰比較便宜呀，比我今年買的還貴！做1棵3尺高的樹真的不容易！

負責佈置的“重任”落在Jun身上。M記前排出的扭蛋是這次的注角，Hello Kitty, Melody, 大口仔等一起陪我們過聖誕，挂上從批發買的波波，聖誕老人、雪人，加上燈飾，搞掂喇！Jun坐下來慢慢欣嘗，不斷按動會奏樂的聖誕老人和聖誕熊，陶醉在自己小小的音樂天地之中！

聖誕木頭蛋糕

2007-12-17T18:15:00.001-08:00

澳門trip都未寫，但就想寫了剛剛“出爐的蛋糕”先。本來是去Disneyland的日子變成幾個媽咪子女一起整蛋糕。朋友們見我和Jun常一起做，今次一話整，就一呼萬應!
本來以爲這個蛋糕離不開以前做過的普通卷蛋加朱古力外層，再畫上木紋，原來我完全猜錯！

木頭是用蛋白加糖和一點低粉打成，加朱古力伴和，一開始就要做得小心，打得不夠廷的話，就不能完成以後的步驟. 動作要快，做的慢就好容易液體化。另一難度就是卷蛋糕，一邊卷紙張一邊動，要其他人幫忙按住紙才可以完成任務。我們的木頭比較短，Jun在“試味”後不准我把切出來用來裝飾的部分貼在蛋糕上，一定要再“試味”試得清楚一點才可以再裝飾。葉子和藤蔓是用杏仁膏弄的，Jun就當泥膠一樣的把玩。木頭放在方形栗子蛋糕上，加上裝飾，撒上果仁粒、糖霜……

凳凳凳凳 - 聖誕木頭蛋糕,送給你和家人，預祝你們有個愉快的節日！

story smart 的作品（三）

2007-12-04T00:29:00.001-08:00

Jun最喜歡的顔色是藍色，每次叫他途顔色的時候，他一定會選藍色，所以見到Jun這次Story Smart 的作品，我沒有感到出奇，又是藍色！藍色的熊，Itchy Bear·！這隻熊吾知點屆周身痕，一味“R"
Jun好像Junpa一樣不喜歡拍照，當我拍下他這個作品時，他竟然主動說要一起拍，可能他突然想起他失去了的那個Teddy 吧！

德福迪士尼聖誕裝飾

2007-12-04T00:26:00.001-08:00

看到電視知道德福廣場有迪士尼彼思光影動畫聖誕裝飾，反正去吃午餐，就拍些照片留念罷！
Jun雖然對迪士尼彼思光影動畫並不特殊熱愛，但見到Buzz Lightyear & Woody也好高興，但見到怪獸工廠裝飾就不肯走近, "Mommy, I'm scared!", 我拿出秘密武器-薯片，Jun就立刻不怕還綻放笑容！

上海的大闸蟹

2007-12-04T00:16:00.001-08:00

從上海帶了一些大閘蟹回來，分了兩次吃，終於吃完了！由上個月開始一共吃了五次，共9只，還不算是好多吧！蟹並不是從什麽聞名的湖買回來的，而是同事的父母跟菜市場相熟的擋攤買回來的，想不到，比上兩次在海都的好吃，肉更鮮甜，有彈性，膏更不用說。Jun對吃蟹完全沒有興趣，一口也不吃，他到現在連其他的蟹沒吃過，玩了一會就“還”給我喇。

Megabox的大象

2007-12-04T00:12:00.000-08:00

24-Nov，07
因爲背疼的關係想去看床褥，太貴的又不想買，怕買了不合就不划算，選擇太多，要慢慢試。到了Megabox 看看，選了地牢的停車場，泊樓上，真的會轉到頭暈。商場已經有聖誕佈置，Jun最開心當然是到兒童天地與動物拍照，一見大象就走去抱著他。午餐吃越南菜，不過就普通，炒金邊粉簡直做得差，一球一球的，味道又不好！

去到溜冰場剛好有小孩ice hockey比賽，兩仔爺看得好投入！去了Sinomax試床墊，我們試了好幾張,最後買了一張太空零壓力床墊：
於床褥面舖上 Sinomax 太空零壓力床墊，按人體重量和體溫形成起伏，貼伏地平均承托身體每個部份．避免因床褥過軟或硬引致的肌肉受壓，減少因神經受壓導致麻痺及疼痛引致的翻身次數，透氣孔墊芯，改善睡眠時免除悶熱感覺．

在試的時候，突然見到Jun脫鞋子，原來他又要試！這張床墊真不錯，Junpa睡了幾天後發覺背疼少了好多！

Spanish (9)

2007-12-04T00:08:00.001-08:00

24-Sept, 07
回來後第一個活動就是和Jun上Spanish.
抵達科室時只見到Christie, 那兩個twins去了哪里？可能上次只是試課覺得不適合所以不繼續吧，從溫了應該是第2課時教的水果，Jun記憶力算是蠻好，聽完David念後大部分也挑對了。用post-it教11-20，我已經忘了怎麽念，看了需要下課再重溫。David是個好老師，Jun愛上他的課，下課前David還抱著Jun玩！

薯條？！

2007-12-04T00:05:00.000-08:00

這個是Jun其中一個近來最愛，你看得出是什麽嗎？

哈，多得姐姐的心思，水果都切得看上去好像零食一樣，Jun看到時第一個反應就是，“呀，薯條？！” “hmm, it's churchy!” 原來是蘋果拼雪梨，切成一條條，看上去就好像薯條一樣，要是有小朋友不喜歡吃水果的話,做成這個樣子可能也忍不住一大口咬下去

我想做功課

2007-12-04T00:03:00.000-08:00

Jun有晚無啦啦同我講，“Mammy,我想做功課。”“下，你想做功課？做乜功課呀？” 佢宜家學校基本上係無功課帶返屋企做，我R曬頭，原來佢想做練習簿，一路做一路好開心，做到吾想停。仔，如果你第時都對做功課咁有興趣就好喇！

Spanish 10

2007-12-03T23:59:00.000-08:00

果然那兩個兄弟沒有再出現，又回到只有Jun跟Christy兩個上課。可能已經習慣，或者是覺得Jun沒有“威脅性”，Christy少了“搶Jun東西”的舉動，知道是要take turns. 我們平常學語言，通常有字母開始學，但Jun一直以來也沒有教過字母，以單字爲主，今次終於教子母，主要教A-N, 有些音我肯定Jun會弄錯，都幾難記，例如E念“air音”
I念“E音 ” H念“art車 ”

more at:
http://members.aol.com/alvareze/spanish/right.html
做了兩個連線訓練：數位和字母的，11-20 Jun已經記得（我都終於記得），真的要反復不斷的練才行！好像只玩過一次的切水果蔬菜， Jun基本上已經全部不記得，從頭學過！
下課前有禮物！David吹了一個氣球，在上面畫了Jun的卡通樣，哈，好可愛！

Into the woods

2007-12-02T20:03:00.000-08:00

Into the Woods

Into The Woods - London Cast - Hello Little Girl

"Into the Woods" - Last Scene / Finale - Wilhelm Cast

有新歡！

2007-11-27T18:03:00.000-08:00

Jun喜歡"buddy"不離手，由最初的Teddy Bear、前排的Baby Jaguar到近來的新歡-Baby Puppy。話説有日上spanish, David拿出一些公仔教動物名，Jun就情有獨中一只狗仔，唔肯放手話要帶他回家找媽咪。我後來經過hallmark見到呢只size剛好的Russberrie Yomiko系列就買作只King Charles Spaniel 比Jun。

Jun對他一見鍾情，現在去到邊都要帶埋他。都好o既，我都唔想你呢樣野gum專一，唔見左好麻煩，仲怕第時要同你“介”，培養下你“花心”先

出差又黎病

2007-11-27T17:58:00.000-08:00

過多兩天，又要出差。唔知點解，出差次數減少了，但Jun好多時就偏偏響我飛的時候病。
記得去年上幼兒園時，每個月仲有absent的日子，有次差不多缺席足3個禮拜，計起果個月學費好貴！今年就好好多，build up左d抗體，強壯左，但近來Jun話我知某某同學沒有上學，一天有多少個同學缺席，一個“野”一個，加上轉天氣，我就擔心唔知幾時又到Jun。唉！結果又是響我出差時，咳嗽同有少少鼻水。本來想到Dr.Chan到配藥，點知醫生放假，要到我飛果日先開，又會gum arm，唯有去家庭醫生Dr. Loo到配藥，因爲要上課外活動，差d趕唔切響辦公時間趕到clinic配藥。Clinic 6pm關門，而我6pm仲響van仔，電話又gum arm打唔通，心裏好着急，怕關門拿不到葯而明天又不應診，跟住我就要飛喇!
一落van仔，9秒9跑!好耐未試過跑喇，呼！呼！呼！終于趕上，好在clinic仲有人排緊對，儸到葯，安落左一半。
Jun,希望你明早睡醒好返，我就安落曬喇

story smart 的作品（二）

2007-11-27T17:55:00.000-08:00

上一次收到Jun響story smart 的作品caterpillar and butterfly后，好一段時間沒有見到新作，今日有喇。一見到我忍唔住問mud黎架，有眼耳口鼻青蛙腳的聖誕樹？？！

哈哈，原來是上次個story "The Frog Prince"的主角，青蛙王子呀

Spanish 8

2007-11-27T17:52:00.001-08:00

上個禮拜去左學校旅行沒有上spanish, Jun好期待今天的課。多了兩個新同學，還要是identical twins! 因爲是第一次，搞左好耐又喊又叫先可以入到課室，但warm up得好快又pickup到，細個果然適應力強！
Jun見到他們兩有d奇怪，可能覺得點解會兩個人一樣樣o既,剛上課時一味望住他們哈！
除了重溫基本的顔色、數字、交通同動物外，教了屋企同家人，數字11-20。呢頭教完我已經忘記11-20點讀，問Jun, Jun初初話唔記得，轉頭就識講，細路記性果然好d,我開始記憶力退化，哈哈。

水果圖片

2007-11-27T17:50:00.001-08:00

學校派通告話要下個禮拜一前帶水果圖片資料回校，我下個禮拜要飛上海，旨意Junpa又怕佢吾記得，所以都係自己搞掂好。水果資料最容易就當然係去超級市場喇，可能比我上網search仲快同齊，放工同Jun去supermarket影相，然後print出來，搞掂，咁樣都算同Jun一齊搵料做功課，第時應該仲有大把同類型”project”！

聖誕薑餅屋

2007-11-27T17:46:00.000-08:00

雖然仲有成個幾月先到聖誕，但已經有少少聖誕氣氛，YWCA有個聖誕薑餅屋親子班，約埋左nn 同goodynews一起上。環境setup像個班房，用版隔開大廳與廚房位子，麵團早已準備好，我地不用“差”粉，只需要壓平，裁減成適合的形狀、入爐鋦、用icing粘好，最後加上裝飾，似做勞作多過烹飪。Jun雖然無得玩佢最喜歡的“西”粉，但一樣好忙，佢個口無停過咁食m&m，仲有nn請佢食波板塘，呢兩樣野佢都係第一次食咋！中場加插aunt nn 講故事，個個好有心機聽。另外，個包裝盒值得一贊，好有聖誕氣氛！

Tickle Elmo

2007-11-27T17:40:00.000-08:00

笑爆嘴-泰文

2007-11-27T17:10:00.000-08:00

學校旅行

2007-11-11T20:53:00.000-08:00

上次家校合作社搞既旅行無得去，今次終於有份去學校旅行，目的地係西貢北潭湧度假營。Uncle Alex 黎接我地，學校比我地早到，剛開始影團體照。小組班同幼兒班的家庭一起玩集體遊戲，其中有個幾得意，每隻腳蹅住一張紙，然後好似溜冰咁行， Jun話自己玩緊ice-skating! 午飯後，再玩過，繩網、
兒童遊樂場、攀石、彈床，玩玩玩，追追追（成日追住黎茵瑜），臨走時，又吾捨得，扁嘴喊。仔，洗乜喊wor,禮拜一返學又見喇，米再玩過law!

白石BBQ

2007-11-07T22:52:00.000-08:00

一如去年，我地陪嫲嫲參加教會的BBQ活動，地點同樣是白石。1點多到達，嫲嫲已經在燒野食，我地之前食左少少野，所以無乜點燒，我同Jun就去左玩。吹bubbles、撈金魚、追追逐逐、踢波，明明眼瞓到不得了都唔肯瞓，拉左我去玩跳彈床，跳跳跳，差不多跳左成20分鐘，不停的跳。以爲佢跳完一定無力會腳軟兼眼瞓，點知佢走去叫Junpa同佢放風箏，玩曬所有我地之前同佢講過的野，一樣不漏，一上車立刻瞓著！

Nancy姨媽的house warming party

2007-11-07T22:51:00.001-08:00

Nancy姨媽搬了家，晚上開了個housewarming party，我地一下課就立刻去，去到公公婆婆已經打緊麻將。Jun同表姐表哥落樓下玩swing，Jun好喜歡見到草，連果塊小草地都唔放過，一味跑。Fanny姨媽知道Jun鍾意煮野食，送左個迷你廚房比Jun （d野食好細件，返到屋企我就收埋左，如果唔係一定唔見曬）自助形式的晚餐有好多野食，sushi、魚生、燒味、鹵水雞翼，糖心皮蛋酸薑，中西湯各1款，當然仲有爲Jun特別泡制的炒芽菜，好豐富呀！飯後Ryan 表演朗誦，Jun都唔執輸，發竟然肯當住咁多人表演唱歌
3個表哥表姐輪流表演彈鋼琴，Jun選了“前排中間靚位”坐定定話要睇show, 睇到唔捨得走，結果要表姐encore一輪先肯返屋企

Spanish第7課 (3-Nov, 07)

2007-11-07T22:48:00.000-08:00

行錯路的關係所以遲到左少少，到達時已經開始了。今次用新玩具教車、屋、身體部位。吹漲個氣球然後在上面畫眼耳口鼻，又幾得意。抽公仔從溫動物名稱，上次玩時Jun好中意一隻puppy, 以爲佢會吾捨得，EE又無wor。原來Jun睇中左隻elephant，當要將d公仔擺返好時，Jun逐隻擺但扁扁吾擺隻elephant，我幾驚佢又吾肯擺低，跟住扭計要帶返屋企，原來佢鍾意隻elephant想望多兩眼，最後一隻先擺返。

食食食的一日

2007-11-07T22:46:00.000-08:00

2 Nov, 07
好似成日都未停過，首先同同事食lunch – snack sampler + 2蝶意粉，好在沒有飲湯，食吾曬
食完lunch, 應該要食d甜品既 – 去左Haagen Daz食雪糕，飲咖啡。
上小廚師班又食- 自己整的muffin & cookie, 仲有師傅整的Tiramisu
玩左一日，話咁快又到晚飯時間 – 又食…
返到屋企仲有餐消夜 – 睡前奶！

Anpanman Mitten

2007-11-07T22:44:00.000-08:00

响city super行行下街，見到個陳列架好colorful, 有好多公仔頭，原來係泠手套，冇諗過Jun會想要一對，預備轉頭走，點知Jun拉住我吾走，好細聲講左d野，細聲到我其實到宜家都未知佢講乜，又吾係扭計wor，只係細細聲、細細聲咁講野。我問佢係米想要一對，佢好大聲話，“yeah,horray!”，哇突然咁聲差d比佢嚇親。
比完錢，Jun立刻帶住，問我，“Mammy, can we go to the snow now？”
吾通佢以爲帶左就有得玩雪？！

斑蘭muffin & 牛油曲奇

2007-11-07T22:42:00.000-08:00

學校假期，我請左下午假同Jun去玩，之前諗左好耐去邊，結果約埋彤媽落銅鑼灣整野食。
Jun訓練有素，手勢越來越好，無論搞、猜、吱都有板有眼，連師傅都話佢有potential!
今次整斑蘭muffin & 牛油曲奇,Jun當然鍾意食曲奇，一出爐只眼都晤離開過，一路望住斑蘭葉有種好象椰清的香味，新鮮出爐好好味。師傅好好人，整左Tiramisu清我地食。
2百零蚊我地兩個玩成個下午仲有得食有得拿，連Junpa都覺得值。
Jun一向喜歡同文靜些的朋友仔玩，整完餅，佢同彤彤就拖住玩，玩到吾想瞓之餘又吾捨得彤彤走，一齊食埋晚飯就肯乖乖返屋企

Ice-cream restaurant?!

2007-11-07T22:40:00.001-08:00

2 Nov, 07
曾經答應過Jun帶佢去"ice-cream restaurant",終於去左。佢去到門口立刻“哇!”，雙眼發光，好興奮，以爲佢見到咁多款式，會吾知選邊款，點知佢諗都吾諗就話，”Mammy, I want vanilla, please” , 又係vanilla，食親雪糕永遠都係vanilla。佢成日話”I like vanilla, Daddy likes chocolate and Mammy likes strawberry.” 仔，其實我鍾意食coffee ice-cream，但爲左就你等你可以食多隻味，又吾想你食chocolate，我先柬strawberry 咋！

聖安娜果凍

2007-10-31T21:23:00.000-07:00

相信每個人都喜歡收到禮物。Jun最常收到的是食物，一黎我爲食，而黎Jun又中意吃小食。
路過聖安娜，給櫥窗鮮豔的?色吸引，見到新出的果凍，小小地買左兩個，Jun喜歡綠色，另一個比Junpa黃色。
呢個果凍實質是Jelly加小小布丁，中間有少許cream 同1小塊水果。

Jun坐定定坼禮物，打開一望"wow，it's Jelly" 。自己已經拿起羹一味““畢“（食飯有咁快就好喇）。
到Junpa食時，佢又眼甘甘，點捨得吾預佢呀，又有得食！
見到佢個驚喜滿足樣令我立刻心身（肚）滿足。

我係隻快樂既袋鼠

2007-10-30T02:39:00.000-07:00

我覺得自己似隻袋鼠，沱住Jun的時候固然之係，到宜家生左佢出黎，仍然係。Jun 就像小袋鼠，好多時候在我的袋中生活，我去邊度，佢就去邊度；我做乜，佢又跟住做；有事，佢就會躲在我的袋裏，受我的保護。遲早有一天，佢都會獨立，我亦吾想佢做“裙腳仔”，佢正處於依附期，不需要宜家立刻獨立，雖然我吾會push佢,但要train佢。

Junpa有次見我話仔，就說，”d 亞媽成日都話仔，依依哦哦!”, 哈，可能d 仔細個時比亞媽話得多，大個做左人老豆米身同感受，吾哦仔law!

“女人教仔傾向嚕囌，男人教仔傾向呼喝”，我希望我同Junpa兩樣都晤係。
Sammi可能會覺得我地比較好脾氣，但我地其實好多時都好激氣，但我每次一諗起自己發火鬧佢，甚至動手，響腦內就有一幅Jun有樣學樣的picture，立刻收火，抽離並代入佢的處境，去瞭解點解Jun有這樣的行爲，諒解但堅持對佢合理的要求。我吾會佢鬥氣，也儘量吾採用打罵方式，不要令佢哭，哭會令脾氣變差。

針對不良的行為施以合適的責罰，例如不准食佢喜歡食的ice-cream,. Chips 或者不准看某些電視節目，最有效的暫時就是“媽咪生氣”。我會離開佢發脾氣的現場，有門的話就關門，同佢隔離，要佢知道佢的不當行爲令我嬲，要佢冷靜並認錯。有時方法好簡單，吾出聲，望住佢（千祁吾好笑！），咁Jun會sense到自己衰左,立刻停, 我連氣都慳返！

小孩子的接受能力高，要佢從小守規矩，佢的適應力便會較高

我享受作爲一隻袋鼠，享受我地的擁抱、“錫錫”，享受譽你一起的生活、享受你的笑容……
你快樂，所以我快樂……

自己的事自己做

2007-10-29T20:58:00.000-07:00

Jun近來的口頭禪係“I can do it, I can do it”“我要自己（做）”，連做吾到既都要自己做，最慘係吾比佢做又發脾氣，比佢做但佢做吾到又發脾氣！好在，我自覺脾氣好，只可以引導佢再做過，我相信 Practice makes perfect! 佢遲早一定得既！
近來佢要自己做包活洗衫、開奶（但吾理有幾多水，一定是加4羹奶粉），佢仲學緊自己除衫、著衫。而我都有得著，學會要有耐心，有容忍力，不嫌麻煩（一定會有清潔要做）。

Spanish第6課 (27 Oct, 07)

2007-10-29T20:54:00.000-07:00

我突然諗起幾個生字就問Jun記吾記得spanish點講，原來我同佢都吾記得，但好得意，佢上堂見到David就自自然然講得出，都好，同人講人話，同鬼講鬼話，可能第時以有人同佢講spanish，佢就自然識應對！

今次有新玩具 - 薯蛋頭，用來溫習面部器官，還有海洋拼圖、森林拼圖、公園園景圖。

同學仔Christy占有心比較強，好多時都會搶Jun既野，又推開Jun，有好幾次甚至推倒Jun(不是好大力)，Jun 就會好吾開心趴響地，我give him a hand, 佢又會笑住起身繼續玩過，David亦盡老師的責任，教導Christy要講sorry (in spanish)，要輪住做。我覺得比Jun有機會與不同性格的小朋友相處，是個好好的機會去比佢學會不是人人都要遷就佢，佢自己要學會應變、協調甚至反擊（當然不是一定指要武力上），禮讓但不蝕抵、由被動變爲主動等。

David 還送了Halloween pumpkin shape 棉花糖比Jun

Krispy Kreme Halloween doughnut

2007-10-25T02:14:00.001-07:00

24-Oct, 2007

Halloween 將至，學校不會有任何的party,我對呢個“節日”興趣亦不大。萬聖節已經變成商人推廣搵生意的“題材”，可能我比較細膽有無party去，住的地方更加吾會有人敲門問我“trick or treat”，除非有人嘍我親熱鬧，萬聖節活動可能都只是會與食有關。放工後去左Krispy Kreme 買左幾個doughnut， Jun見到當然好開心，一味自己切自己食

麵包超人濕紙巾&毛巾布料

2007-10-22T20:44:00.000-07:00

20-Oct，07
去新浦崗同Jun食下午茶同去公園玩，路過竟然見到有麵包超人濕紙巾賣，哈，買左1盒&2包去街裝.

響淘寳訂左d麵包超人毛巾布料，足足等左成個月先得閑儸去車。終于車起了，連床頭笠都車埋，Jun見到好開心，立刻要上牀玩

爸爸媽媽講故事

2007-10-22T20:26:00.000-07:00

22-Oct, 07
我參與了學校搞的“爸爸媽媽講故事“活動，今日活動的第一天，選擇了3:30pm（另有11:00am）講完就可以同Jun一起放學。同事車我去學校，到達剛好是3:30pm，蓮姐引領我入班房，入到去，好壯觀，成班小朋友一字型排排坐，同一時間一起望著我（有點奇怪點解我會出現），沒有一個周圍走，Jun見到我亦沒有大叫，只是微微笑地等我講故事。

我選了張哲銘的繪本Big Fish大魚，是屬於繪本語言系列的英文版，整本書的主色爲紅色的，產品榮獲2003年義大利波隆那插畫獎。
故事是關於一條魚覺得自己是一條好大的魚，見到其他小魚時就問“你有沒有見過大魚？", 後來還把小魚吃掉，但突然大魚比帶到一個不知名的奇怪地方，原來他給一條更大的魚吃掉！

什麽是大？什麽是小？我利用這個故事來表達抽象的“大”與“小”概念，需要對比才可以真正的講出什麽是大，什麽是小，我還帶了一點小道具要小朋友指出邊個大d, 邊個細d。

故事完結後，Jun代表全班送了感謝卡給我，我們還拍照留念！

小朋友全部都好聽老師話，老師話做乜就做乜，可以拿玩具玩，就一起去拿，沒有爭先後，也沒有搶玩具的情況發生，老師一叫Jun收玩具，Jun就裏裏那那擺返好落櫃，我都未見過他做事咁迅速，黎老師果然訓練得好！

瑤柱火腿鷄絲炒公仔面

2007-10-22T18:36:00.000-07:00

亞仔整完到亞媽，奶奶不在家，我地又唔想出街，唯有看看屋企有mud可以用來整lunch – 公仔面！唔想食味精，自己炒！呢個就是瑤柱火腿鷄絲炒公仔面，裏面還加了洋蔥&菜心，有肉有菜，Jun起碼講左20次”yummy” & “delicious”！
整野食最開心就是有人欣賞!

pancake早餐

2007-10-22T18:33:00.001-07:00

21-Oct, 07

禮拜日留響屋企無出街，答應了Jun整pancake做早餐，他話” I can do it!” 又看看他點樣do it！
打蛋、“西”粉、加奶、搞“暈”，似模似樣….hmm, yummy!

剪頭髮

2007-10-22T18:28:00.001-07:00

20-Oct, 07

又要剪頭髮喇，對上一次剪是個幾月前，Jun的頭髮長得好快，又過左耳朵，是時候要剪了。去到要等，髮型司幫兩個剪緊，見Jun開始眼訓，帶他去買ice-cream，無啦啦有ice-cream食，當然唔眼訓啦！到Jun剪，非常順攤，坐得好定，當有頭髮碎整到他的臉，他開始想發脾氣時，我就叫他唔好，我為他食chips,万試万靈！

Spanish 5

2007-10-22T18:24:00.001-07:00

不經不覺已經上了4堂，問Jun上得開唔開心，要唔要上，他話好，我就交學費，一交就交左10堂（10堂可以平d,仲可以用張減$280的coupon）。今日多左1個同學仔 – Christy,2.5嵗，看起來比Jun還大少少，可能因爲講也講得好d。亦因爲多了一個新同學，所以教的野是上幾堂學過的數字、顔色、身體部位和動物名，最好玩的就是吹bubbles。上上下Jun就問幾時snack time, 兩個食野食得好開心。

重陽節

2007-10-22T18:19:00.000-07:00

19-Oct, 2007 重陽節，公衆假期重陽節我地並唔需要去拜山，約了Connie & Sharon Family一起去登高，BBQ. 我地10:00am到達清水灣郊野公園，去到竟然已經無曬parking,！！！好在Connie 同Sharon已經到左，兩架車剛好泊在相鄰車位，我地架車就打墴泊在兩架車的前面。我們離放風箏不遠處透爐BBQ, Jun同Junpa就一支箭標左去放風箏，可惜無風，放唔起。我地在燒野食時，班細路就響個tent度出出入入，又響度玩吹bubbles、踢足球、射槍(生日會過支)。Jun食得1條腸仔同1塊蜜糖烤方包，少少chips，水就飲左成3瓶！一路燒一路有人問我地幾時走，見到d人排爐排得gum 辛苦，興幸我地早到，如果唔係有排等。食完野再去試下放風箏，仲有新買的飛機，Jun同Nick有樣學樣，見到我地放，他們兩個又合作放，哈哈！

似邊個?!

2007-10-22T18:12:00.000-07:00

今日響BK度見到個標題：即時即時睇下囡囡/囝囝似邊個！
立刻入左個site Look-alike Meter 度玩左兩次，好攪笑，用吾同的相，都係似我多d

Jun由細到大，通常邊個抱米比人話似邊個多d
我就覺得阿仔一人似一半, 塊面咁圓咁多肉，一定係似我，但單眼皮呢樣野就似Junpa. Junpa 同Jun爺細個/年輕是都係單眼皮，Junpa係呢兩年先開始變雙眼皮架咋，吾知仲以爲佢去左整容，哈。
嘴似我（一樣咁好錫）(<-都幾吾怕羞wor) 下巴似Junpa 但睇返Junpa細個d細個d 相，原來Junpa都係圓面架！

重陽節--慶祝會

2007-10-22T18:11:00.000-07:00

今天學校舉辦重陽節慶祝會，可以穿便服回校和帶小量食品回家。昨天我作感冒，食作藥“溫溫鄧鄧” 無返工，可以接放學，我們去了supermarket，Jun 挑選了“百支”（查實係甘大支）爲今天上學的snack.
pics at 重陽節--慶祝會
Jun呢兩日在學校都好扭計，黎老師日日打來。昨日係我不小心，吾記得將佢既水杯和毛巾盒放入書包。10點多，姑媽車我同99去針灸時順路兜我去學校，將這兩樣遺漏送回學校，奈可佢一早就扭左呢樣野。
可能扭開就扭，. 如常地，佢係最後一個食完午飯，最後一個去洗手間…什麽都係最後/慢，都吾明我個人咁心急，點解佢會咁“闊佬懶裏”。
飯後去洗手間又扭過，無得wee wee但又吾肯走，企成5分鐘都無，一味話“我要wee wee” （都吾點解，呢樣野呢幾日響屋企都發生過幾次），結果又大喊，要老師抱去圖書館泠靜，怕吵住其他同學午睡。仔，你平時響屋企都幾乖架，你搞乜日日返到學校咁扭計。

一個早上整左兩個蛋糕?!!

2007-10-14T01:43:00.000-07:00

Sunday覺得好攰，完全沒有意思出街，可能Friday night我太夜瞓，攰到今日。留在家同Jun玩，一個早上整左兩個蛋糕，哈哈，唔係食果d，係玩果種！1個用PlayDoh整，一個用輕黏土，Jun最鍾意就係擠cream, 擠到成個蛋糕都係！
最搞笑係整好后，Jun將個蛋糕放落佢個玩具Oven到話要bake 15(分)鐘wor!

Spanish第4課

2007-10-14T01:41:00.000-07:00

搭van仔時我問Jun, ”where are we going?” 佢識答我 “Spanish Class”, 佢應該開始習慣上堂。見到David, 佢主動同David 講Hola。今次溫書同新野一半一半，用左新的道具/遊戲溫習。
上次好難的身體部位就用左拼圖黎重溫，主要只講面，眼耳口鼻。新教的包括一間屋分什麽房：飯客廳、廁所、睡房、廚房。幫熊仔着衫學不同的衣服名稱，但講得太多款色，講講下有d悶，從Jun托頭姿勢看出來。最開心當然都係snack time, 食Milo ball, 問Jun要幾多個，佢又係話diez (10)！問佢要幾多水, 今次醒目啦，識話mucho (a lot)！落堂後要玩左一陣搖搖板，我今次識得就力喇，隻腳終于無咁攰。

學校中秋節提燈會

2007-10-11T20:41:00.000-07:00

幼班：中秋節提燈會

日期：2007年9月25日

時間：9:30a.m. - 11:30a.m.

內容：中秋節應節食品展覽、齊來做月餅、加油站，攤位遊戲~張燈結彩賀中秋、星光下的月亮、漫遊太空

原來學校website有upload到縣內活動照片，中秋節應節食品展覽topic見到Jun，等我問問佢知唔知道旁邊所有同學的名字

麵包超人牛仔布波鞋

2007-10-11T20:37:00.000-07:00

12-Oct, 07
昨日去開灣仔，又破財 - 麵包超人波鞋，牛仔布+白色。本來上個月才買左對New Balance晤應該買，但對New Balance 大左少少(size 27.5), 可以遲d著都得，加上店主話叫我晤啱著或者Jun晤肯著就推返比佢，咁多好，我最怕買左Jun唔肯著。我比Jun試著，佢竟然著到唔肯除！！早知道就晤洗買對New Balance 啦！

Photoscape

2007-10-11T20:31:00.000-07:00

有好幾個網友都問我點樣將post上blog的照片作整齊排列，我用的是photoscape. 不知道Junpa從那裏得知這個軟體，這個photoscape 是freeware,免費download, 大約20MB。

可以用來執相、combine相，如果combine 相就需要re-size。

我用得最多的就是page, 有好多不同已經預設的page layout, 你drag and drop 相落去就得，仲可以加frame，方便易用，最好之處是，你可以一次過顯示多幅照片，而實際上只需uoload一張相，save相片時會自動re-size,通常在200k內，用黎upload上網可以慳好多時間。

另一recommended function 就是AniGif, 可以用來製作動感 motion gif。
詳細資料：
Photoscape.org

定期检查

2007-10-11T20:29:00.000-07:00

9-Oct, 07
定期檢查
又到8個禮拜一次的定期檢查，Jun 無返到學Junpa陪佢去，去到瞓著左，姑娘比佢瞓多陣，等到3:30先叫醒佢。
Jun全程乖到震，度高量重都非常合作，連姑娘都不斷贊佢乖，抽血一點反抗都無，連戴醫生都叮囑姑娘要比多個貼紙佢。出來後Junpa去攞藥，Jun自己坐埋一邊睇書，睇到唔肯走，姑娘問係米等埋佢返工，Jun托住個頭同人地笑（哈，好似聊人咁）。
回想起Jun一出生第二天抽血報告發覺甲狀腺素不足，原來他的甲狀腺沒有完全develop到，可以算是沒有甲狀腺。甲狀腺素主要控制人體身陳代謝，成年人不足會長時間非常疲倦，小朋友腦部不發育，身體就不會生長，過多就會好煩嘈，不安寧。講得不好聽就好似白癡侏儒咁，但只要日日吃藥補充甲狀腺素，就可以正常生長，所以要定期去醫生到check嚇d藥的分量夠不夠。就而家我已經慣左，冇咁擔心同傷心，仲有政府醫院長時間睇住，不過就肉疼d，成日要比人吉。

砵砵車 (Oct - 07)

2007-10-09T01:33:00.000-07:00

8-Oct, 07
收到芥子園有出的砵砵車月刊，Jun見到本來無乜反應，但一睇到封面有Little Brown Bear就立刻坼開，一路食蘋果一路睇。睇到最後一版講小灰狼與小雞的故事仲大笑，笑左好多次。

Terry娶老婆

2007-10-08T20:52:00.000-07:00

7-Oct, 07
Terry 返左黎，話咁快就話大個仔娶老婆，未來老婆Liza係廣州人，上兩次Terry過來永春比賽時識， through web-cam拍拖，今次過來接Lisa返過去結婚。一家人連亞姨家一起飲茶，咁都3圍，好多細路，要影張望鏡頭相好難，呢，響下面角落比人踩住當凳仔就係我啦，Jun仲要坐響我搏頭，腳都痹埋!

Terry 送左呢個Diego Toy 比Jun，響香港無得賣Diego stuff, 我響UK Toys rus 度見到，有Spanish/English phrase 發音架

Fisher-Price Diego Talking Rescue RadioDescriptionHelp Diego go on 16 animal rescues with the Talking Rescue Radio. Hear phrases in English, Spanish, and “animal”. Press the paw button to hear real animal sounds from the show!Radio includes a sturdy clip for on-the-go adventures! Includes exclusively marked Caiman figure scaled to fit Diego’s other figures & play sets and an animal fact card.

Lisa 陪我去買隻Spare Baby Jaguar時，搶住比錢，話係舅母送wor! Thanks Terry & Lisa！原來Terry現在同亞牛住，要湊住亞牛，所以只可以返part-time, 好偉大，希望Lisa 可以同亞牛相處到。

歌和老街公園

2007-10-08T20:19:00.000-07:00

6 Oct, 07

夜晚我要去飲，未夠鐘，同Jun去歌和老街公園玩，上次去係去年同Nick, 柏柏, Esme, 等一起去，都好耐lu.。Jun 主力玩swing（大仔swing）, 玩得好開心, 但玩玩下，佢突然鬆手，成個就大字形趴左響地，哎呀！大喊、流鼻血，額頭都紅左，一路喊一路話要玩，比我地勸服，玩細仔swing, 連Baby Jaguar 都要自己坐一個！

之後去接姑媽，去到Jun“類”住d姐姐玩，請人食雞蛋仔，飲水又要cheers,仲話同姐姐搭車去zoo.玩到咁上下，我叫佢去toilet wee wee, 佢晤去仲竟然同d 姐姐話“I got a bottle to wee wee.”（平時用作坐車時突然要去之用），連呢樣野都爆埋比人聽！

夜晚響Holiday Inn 飲，賢叔娶新抱，成45圍，個ball room 新裝修後靚左好多，d水晶燈好大，9:30p先開席，食品就如其他一般去飲的一樣，有魚翅、鮑魚、青班等，其中一道菜看似來好像有好多幹瑤柱，睇真d，原來有好多是金姑絲，切到好似瑤柱一樣長，混在其中，有幾好wor,一黎可以好睇d，二黎又可以增加口感。

Liz的男朋友話結婚一定要擺酒，一生人一次做主角，點都應該擺。我結婚時又無擺酒（男女家著“行”少少晚飯，各兩圍，同平時飲茶差不多），又無去影樓影結婚相，又無渡蜜月，我一d都無所謂，我覺得自己真正做主角個日係生Jun果日，簡直覺得係人生的突變！

2007-10-08T02:14:00.000-07:00

6 Oct, 07
終於見到Jun響story smart 的作品啦 – The caterpillar and the butterfly!
Jun 話呢隻係Blue Morpho Butterfly wor。

Blue Morpho Butterfly其實係咁既：

Blue Morpho Butterfly
Range: Central and South America
Habitat: Rainforest
It's a Bird! It's a Plane! No, It's...
a swarm of blue morphos! As they flit above the rainforest treetops, the butterflies' brilliant blue color can be seen by pilots flying overhead. Now that's cool!
Not True Blue
Despite their stunning color, blue morphos are not true blue - that is, their wings are not colored blue. So what's the deal? Like all butterflies, morphos have tiny, overlapping scales covering their wings. In blue morphos, the scales on their wing tops have tiny ridges that reflect blue light. So even though the butterflies aren't colored blue, their wing tops look blue!
In contrast, the underside of their wings is brown, visible when the butterflies are at rest and their wings are folded up. The drab color helps them blend in with their surroundings and hide from enemies like birds and large insects. If the butterflies are discovered, they have a second line of defense: two bronze-colored wing spots that look like eyes - perfect for scaring off would-be predators.
Changing Tastes
An adult blue morpho - like all butterflies - drinks its food rather than eats it. It uses its proboscis (long, protruding mouth part) to drink sap and fruit juices.
But like all butterflies, adult morphos were plant-chomping caterpillars as youngsters. Blue morpho caterpillars are especially fond of leaves in the pea family.
Morph-ing
So how do blue morpho caterpillars turn into blue morpho butterflies? Like all butterflies, they make an amazing transformation known as metamorphosis. First, eggs hatch into larvae, better known as caterpillars. Blue morpho caterpillars aren't blue at all: they're reddish-brown with bright patches of lime green on the back.
After a while the caterpillars wrap themselves in protective enclosures, called chrysalises. At this stage the insects are called pupae. After some time, pupation ends and the mature butterflies emerge from their chrysalises.

More info at
http://www.stlzoo.org/animals/abouttheanimals/invertebrates/insects/butterfliesandmoths/bluemorpho.htm
http://en.wikipedia.org/wiki/Morpho_(butterfly)

仔：
睇黎你個似搞笑版多d wor!

Spanish第3課

2007-10-08T01:48:00.000-07:00

6 Oct, 07
今次都係溫書多，都應該既，次次教新野就好難記。上次身體部位太深啦，今次繼續再講，講講下太悶，Jun開始身鬱（連我都係），成20個身體部位生字，點記呀（可能我已經記憶力開始退化）。新野都有一樣—海洋生物-魚、章魚等。最開心當然係snack time, 有得食Milo ball, 問Jun要幾多個，佢一定話diez (10), “爲”食！但問佢要幾多水, mucho (a lot) or un poco (a little), Jun 就話un poco，David 問左好多次，Jun都話un poco，David 唯有幾滴幾滴水咁倒落杯，滴左成10次。David, 你有所不知，Jun乜都鍾意“小小做”架！落堂後唔捨得走，要玩搖搖板，騎馬, 直到Junpa黎到接我地

Baby Jaguar 晤見左！！！

2007-10-08T00:33:00.000-07:00

8-Oct
今日大濟，Sammi話我知一早見到Jun響學校喊，Baby Jaguar 晤見左！！！明明今日上車都仲見有，check過保姆車又無漏低，保姆車嬸嬸話Jun一路瞓到落車，可能已落車果下跌左，好在昨天Terry個未來老婆送左只比佢，一陣要lililala返婆婆屋企攞，再送去學校比佢午睡，如果無spare,聽日取抽血可能好麻煩！

12:40衝衝趕到學校，怕午睡時Jun會好扭計，去到已經開晒床，見到倬僖同同學邊野邊笑住咁去完洗手間出黎，好開心，當然見晤到我啦。黎老師出來話我知原來已經搵返Baby Jaguar，原來在Jun d 被度見到，應該係保姆車嬸嬸見Jun要落車又未訓醒，怕佢跌左米是但塞入袋被到，返到去老師沒有打開被直至差不多要準備開床，老師都擔心, Jun一味喊，喊到wee wee都晤識去，喊左好耐，黨Jun 一見返Baby Jaguar 成個晤同曬，立刻無事。我同老師在門口談話時見到Jun彈下彈下咁一個人去洗手間，佢見到我呆左，晤識反應，老師叫他先去washroom,出黎望住我繼續晤識反應，諗緊握點解會響度，竟然要老師叫才識叫我，同我拜拜後，乖乖咁拖住老師手返入去瞓覺。黎老師幫我可keep左隻spare响學校，有需要時我都唔洗咁“频能”
真係嚇餐c! 試過上次Teddy一役，都係響買到時可keep多隻spare好過要周圍搵。

“頻能”完響食餐豐富d既lunch補充體力先哈哈！

爲了幫Jun同Baby Jaguar建立更深厚的感情，上星期帮佢地影左多d相。

老師的話 (2) Oct 2007

2007-10-05T00:10:00.000-07:00

Thu, 4 Oct 2007
黎老師的email
Subject臻臻有進步!

臻臻媽:這兩天臻臻都有明顯的進步----在吃午餐方面,幾天都不用我特別去提醒和協助,便自己食飯,好叻叻呀!我有一天在臻臻午睡前,在床邊攬咗一陣,同臻臻傾咗一陣偈,臻臻都有咪咪笑!好可愛呀!今日臻臻著的(功夫衫)顯得佢好得意,臻臻話係媽咪買的,而這幾天也沒有特別地發脾氣,只是偶爾說這裡痛,那裡痛!但我攬嚇已可以好快冇事!---繼續為臻臻努力! 黎老師
臻媽reply:

黎老師，聽到你話臻臻有進步，還會自己食飯我就安樂D喇, 起碼證明我近來的“特訓”是有效的。我成日都擔心他在學校扭計，給你和其他同學帶來不便。我日日都問他有沒有在學校扭計，
臻臻會答我“有”
臻媽：“扭幾多次呀?”
臻臻：“兩次”（又幾老實）
臻媽：“做乜扭計呀?”
臻臻：“我掛住你呀!”
我會加強訓練，包括要臻臻自己食飯，吾好扭計，想做某些事時如何跟你表達，在學校掛念我是不可以扭計等等，讓我同臻臻一起努力！

Jun早上出門返學情況

2007-10-04T03:02:00.001-07:00

Jun早上出門返學情況

7：10am 叫佢起身，其實叫極都起唔到身，閉上眼喝奶。繼續閉上眼我幫佢換衫…任我舞繼續瞓….一路瞓，我抱佢上BB車，推落樓（開學初期我日日抱落樓，重到叫救命，日日按摩都吾掂），

米睇佢一路瞓，架車到佢就會彈起身，扭唔返學，唔上車，要自己un-buckle BB車seat-belt。暫時嘅秘密武器就係 ---日本肝油丸Kawai ne!

Oct-2 可能一連放左3日假休息夠，早上返學易話爲左，照舊坐BB車落樓，但無瞓著wor, 仲肯企起身影相（但個樣藕藕地），算係咁有張識笑！

Oct-4國慶節學校有活動，可以穿民族服上學，呢件係前年去上海出差時買嘅共服裝，今年不用改褲長，啱曬身！

10月號巧虎幼幼版

2007-10-04T01:59:00.000-07:00

收到10月巧虎月刊，Jun好開心打開包裹，立刻自己睇左兩次，近期玩具係chop印，用黎左圖畫。今個月的主題係不要“曾”玩具，還有去取牙醫度檢查，不刷牙的後果，真係啱用!

Haagen-Daz 8個scoop

2007-10-04T01:53:00.000-07:00

Phillip Ng 比左兩張Haagen-Daz $50coupon 我，明天到期，今日lililala去用左先，本來無諗住買咁多，但作爲一個爲食之人，一入去就樣樣想食，好，就幫親呢個promo 8個scoop 連咖啡杯同羹！要左2x vanilla （Jun嘅最愛），2x coffee （我嘅最愛）, blueberry, 哈密瓜，mango, strawberry,。 Jun見到，就立刻閉上眼，做“收禮物要先閉眼，打開有驚喜表情”，哇，好開心喇！

國慶日假期

2007-10-04T01:22:00.000-07:00

一連兩天外出，國慶日假期就留了在家。倬僖突然下午造訪，好驚喜, 一起玩，一起“曾”野玩，但又一起share野食wor。晚餐食上海餛飩，倬僖好快食完一碗又一碗，每次3隻，仲添到第3碗……食晤曬(好在！佢仲食得多過我！)，倬僖食完去玩了， Jun只食得兩啖，他們倆嘅速度成好大嘅對比。安安原來已經坐得好定，眼仔look look，一口氣飲曬一瓶嫲嫲牌蘋果水，好比面，Sammi比d 餛飩安安試，“畢”慢d都比安安鬧，好搞笑。難得倬僖一家國慶黎我地度慶祝，我地就只得餛飩招呼，酒微菜薄，有d晤好意思，國慶應該大魚大肉下嘛！但Jun 成日都話國慶係中國生日，晤，諗諗下都啱嘅，食上海餛飩係中國家鄉食品，用黎慶祝中國生日都啱呀，cream cake 可能會格格不入添！倬僖臨走前發脾氣，比我拍底左，立刻在電視度播，倬僖竟然睇完一次又要再睇，要重播又重播，哈，大個你就知！

學校的手工 (Sept, 07)

2007-10-01T00:29:00.000-07:00

學校的手工

9 Aug - 1 Sept, 2007學校、小鼓、三文治

3-19 Sept, 07學校的手工，我以爲是喇叭，Jun都話是Trumpet,收到學校的學習進度表才知道呢個是播音筒

27 Sept, 07 國旗

Beach + Circus Oz

2007-09-30T21:27:00.000-07:00

30 Sept, 2007 Sunday

天氣晴朗，大約10：00am到達西貢大清水，人不算好多，拍到位，倬僖比我們早到，下樓梯時Jun一看到倬僖已將開帳篷 - 藍色，Jun喜歡的顔色。不用warm up，Jun就埋位同倬僖一起玩沙。他們兩個之後話去"筆”水，去到水邊，見到d浪走埋黎，“哇，走喇，走喇！哈哈”，玩水玩到我都一身濕、沙，好在我有穿泳衣（Uncle Alex &　Aunt Sammi 都走晤lug, 褲腳濕曬），兩個開心到唔捨得走，倬僖仲喊，好在有殺手鐧，登登登登 - McDonald!!! 麥當勞d marketing真係掂！話説得我一個有穿泳衣可以濕身，同兩個細的沖身后，我自己竟然唔記得同自己沖！唔怪得個身咁多沙。離開McDonald時，到Jun喊，唔捨得走，我話Jun食左lunch，但Baby On On未，好肚餓，Auntie Sammi 要返屋企比野安安食， Jun話佢又去; 我話倬僖下午要去婆婆到，Jun又話佢要去......唉，簡直難捨難離，但一上到車立刻瞓着！

我9秒9返屋企沖涼換衫，去灣仔APA看Circus Oz,可能我expect得高，已為會好似cirque de solei ，點知好失望，完全不一樣，不是說不好看，只是覺得票價太貴，如果平一半的話，我覺得會好看好多，well,起碼Jun今次只講左兩次話驚，要我抱，但大部分時間都要自己坐。剛完場時，Jun喊，都幾無聊，突然佢想起無帶表，要扭帶表，其他人仲以爲佢唔捨得完場，激C!

Spanish第二課

2007-09-30T20:24:00.000-07:00

29 Sept, 2007, Saturday

今個禮拜是long weekend, 星期一是國慶節假期，一連兩日節目豐富。一早出門口同Jun上spanish, 這次是第二課，一路搭車時，他一路話“上spanish class”，看來他也挺enjoy。

老師David (音Da-V)已經在課室等我們，上次教的東西很多，今次大部分是重溫。

貼水果在樹上學水果名稱，貼車sticker學交通工具，油顔色，看圖學身體部分（這個好深！），抽公仔&切puzzle學動物名，當然仲有Jun最喜歡的數數字。我差不多全程都拍底左，等得閑可以在家重溫，錄滿一張2G, 1G的一張都用左1半。

下午Jun上Story Smart, 我在門口等時，見staff開門口入去，呢張是我偷拍的，都坐得好定wor, 一定是在用金粉同珠片貼在蝴蝶上！Junpa接我們放學，一路等一路玩開車，Jun只識退後，不懂向前，哈！

中秋節

2007-09-26T00:29:00.000-07:00

24-Sept, 2007，農曆八月十四
今晚做節，Sarah姑媽返來吃飯，哇8菘一湯：白切雞、蒸魚、美極煎蝦、冬菇生菜、帶子炒西蘭花、咕嚕骨、三色椒炒蝦仁、燒肉（不在照片内，太多送菜，放不下）、冬瓜金華火腿湯
Jun就最喜歡食西蘭花，仲自己“吉”

25-Sept, 2007，農曆八月十五
今日雖然放早(4：00pm), 但怕塞車，所以Junpa 就home office, 夠鈡仲落去接仔放學。99去左1日遊，會去維園觀賞花燈后才回來。我們3個去了食日本菜。牛仔鍋、芝士海老卷、soba 麵、炸魷魚，仲有菜單裏面無但特別幫Jun整的吉列豬排拉麵。我把豬排切了成粒粒，不斷自己叉住黎食，差不多成塊自己食曬，麵就食了少許，但整頓飯完全不用我出手，食完店主送上冰淇淋，芝麻味好香，我同Jun又互餵。

最搞笑的是，現在你同他拍照，你話“kawaii ne”，他就會在眼前罷出“V”手勢

吃完晚飯，邊散步，邊玩燈籠，呢個就是那回學校的那個環保燈籠 - 蛋糕車。
心情極好的Jun不斷的錫我，我就當然冧曬啦

擔心會落雨，又沒有車，費事出外同人逼，返到屋企樓下，有一些小朋友在玩，Jun見到一個平常也偶爾見到得姐姐（大約小學5年級，住同一座樓上），姐姐叫Jun一齊玩，Jun就成晚跟住姐姐，追住她，一起跑。一起用熒光捧裝飾滑梯。

話説達達表哥同姑丈改裝了遙控車成遙控白兔燈籠，Jun見它會動，竟然有d怕（但我覺得Jun是扮怕），不太會碰它，但又想玩，走過去追，其他小朋友見白兔燈籠會動，也覺得好新奇，過來借玩，Jun好大方，給小朋友玩，之後就一直跟住他們的後面一路跑...玩到不願意回家，因爲其他小朋友還未走，最后要姐姐送他達大門口，Jun就盡興而囘。

Jun 還是喜歡跟大點的小朋友玩，可能覺得他們會讓他，而且Jun跟他們玩時也蠻主動喲！

老師的話

2007-09-24T18:54:00.000-07:00

24-Sept, 07 黎老師：
臻臻媽:今日臻臻叻咗DD,冇發脾氣,又肯自己食午餐(三絲炒米--細碗)&(紅米粥--少許).午睡又好快自己瞓著!瞓醒又肯食(烚雞蛋--半隻)&(牛奶粟米片--半碗)好叻叻呀!我仲叫埋全班小朋友拍手讚臻臻!臻臻仲陰陰咀笑添!

臻媽 reply:
黎老師,
哇，臻臻肯自己食烚雞蛋，簡直是大新聞，前所未見。早上還是不想上學，今天因爲是便服日，可以換衣服是沒有哭鬧，但一見保姆車到就嚷著不要上學，但給他一顆糖果（肝油丸）就能哄他上車。在家食飯開始有進步，可以自己食完一碗飯，但比較慢，差不多要1小時，但分量大概是學校的一倍（滿1碗連菘菜），會繼續“特訓”。

臻臻與倬僖細個vs現在

2007-09-24T01:59:00.000-07:00

24-Sept, 07今日在電腦裏找相的時候，突然見到一些臻臻同倬僖一起映的照片，原來不經不覺同倬僖一家都認識了超過年半（吾記得是不是Dec 05起認識），睇返，哈哈，好得意！

First Dental Check

2007-09-23T05:06:00.000-07:00

23-Sept, 2007， Sunday

Michael Fung 今日特別開門幫朋友們檢查牙齒連洗牙，Jun最初見到Michael 帶住mask,個樣有d驚同puzzle，跟住抱佢睇Michael d 證書上面張相，佢立刻話係“Nick Nick's daddy”。我同Junpa洗完牙后到 Jun檢查，第一次牙齒檢查，張口合口，非常合作，佢d牙無問題, Michael 就辛苦d，又要蹲又要烏低頭睇，仲要前一晚瞓矮頸，晤該曬Dr. Uncle Michael!

之後一齊去Michael 屋企，搬后第一次探訪，Sharon 一家已經到左玩作好耐，晤洗warm up, Jun 已經走左去同Nick Nick & Justin 玩。

同一張沙發，同一個post, 佢地大個左好多。

Spanish變左French？！！

2007-09-23T03:00:00.000-07:00

22-Sept, 07 (Sat)
今朝第1日上Spanish, 一早姑媽車我地出去，東山TKO Branch 好大，原來個site本來係個幼稚園，上到去Jun邊玩邊等，一味挂住玩個搖搖板，等到成11：00都未見人，原來個導師住愉景灣，miss左班船，結果個centre安排我地免費上左1堂French Playgroup. 一班有5個人，parents可以陪，我估最小的那個只有18個月，大的有4嵗。學左content （happy), triste (sad), Écouter (angry), très (very), un peu (a bit), hourra (hurrah), le lapin (rabbit), L'oiseau (parrot), le chien (dog), la souris (mouse), le poisson (fish), le chat (cat), 1-10，但當然一落堂我地兩個都晤記得曬heehee.比我想像中Jun竟然晤怕生，一陣就warm up完，仲識同其他人一起玩，又晤怕個鬼佬，玩釣魚時又識同各女仔share fishing rod. 一落堂就見到個Spanish teacher, 怕Jun累，問佢上晤上，當然係“上”，轉班房再黎！

Spanish得Jun一個學生，1：1（或者應該話1：2包括埋我，但我覺得好難學，卷晤到又震晤舌）
本來lum緊得Jun一個點玩得曬成堂，又或者得一個玩會不會好悶，原來我lum 咁多係多餘的，都晤知幾enjoy!
玩貼紙學交通工具，blocks & ball學color, 貼眼耳口鼻學Cara (face)；
唱歌仔學星期lunes, martes, miércoles, jueves, viernes, sábado, domingo;
切蔬果學蔬果名，抽公仔學動物名，
當然仲有佢最想學的numbers, cero,uno, dos, tres, curatro, cinco, seis, siete, ocho, nueve, diez;
學numbers有snack 食（milo choco ball), 問佢要幾多粒，佢話要10粒，學識講diez。上完堂都晤知幾開心！

下午3：30上第一堂“Story Smart", 要自己入房1個人上，我又擔心，原來再一次擔心係多餘的，佢一d問題都無，可能因爲一班得8個人，仲要講英文。Jun話我知上堂講左兩個故事caterpillar & butterfly, spider & spider web. He also did some coloring/painting, caterpillar in yellow, butterfly in blue.

First stickers! 儲夠某個數量可以換紀念品，其中有份係Teddy Bear!

肚疼（20-Sept 2007）

2007-09-21T02:35:00.000-07:00

今朝6點幾，Jun就叫醒左，“個肚好疼呀！EEEE….” 去左1次poo poo，以爲冇事，點知一同佢換校服，佢就大喊，“我吾返學，我吾要著運動衫”。比我夾硬換好衫，有叫過, “個肚好疼呀！我吾返學”，我最初怕佢吾想返學所以先咁講，但又去左1次poo poo，“個肚好疼呀！我吾返學，我要瞓覺呀” 佢真係吾舒服，留響屋企休息下啦。我返左工後，佢又去多左兩次，一定係我吾好，昨晚要佢食西瓜，可能d西瓜買返黎時係切片裝，晤乾淨，sorry Jun。

Learning Spanish??!!

2007-09-20T18:52:00.000-07:00

今日幫Jun報作Spanish playgroup, sat第一堂，東山好好，見我話個時間晤arm,開一班比我，得Jun1個，哇，米1：1，抵上！晚上，上東山個site比佢看上堂demo,話比佢知Spanish class 係咁樣的，佢竟然笑曬，看來佢真的好像學......

18-Sept, 07 同Jun 沖涼
M: 你想學d乜野呀？Music, drawing, English, Spanish or Swimming?
(我以爲佢會挑Swimming, 點知…)
J: Spanish
M: Spanish? Do you know what’s Spanish?
J: hm, hm (yes)
M: Gacia呢種wor
J: hm, hm (yes)
M: You want to speak like Dora?
J: hm, hm (yes)
（咁等我做下search…）
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
20-Sept, 07 姑媽上黎
M: Can you tell 姑媽what are you going to learn this sat? What class are you going to join?
J: Hee hee
(要我題）
J: Span-Span-ish
姑媽: Spanish？你知吾知what is Spanish?
J: Uno, Dos, Tres
(姑媽望住我，我地大家都啞左)
J: Uno, Dos, Tres, Cuatro, Cinco （1，2，3，4，5）
(我同姑媽繼續對望，啞左，大笑，哇亞仔，你好勁呀)
過一陣，再表演比Junpa睇
J: Uno, Dos, Tres, Cuatro, Cinco
M: say "Abrir"
J: Abrir
M: What's the meaning of Abrir
J: Open
(原來佢真係識架！）

自製環保燈籠

2007-09-19T21:40:00.001-07:00

收到學校的通告，有整環保燈籠比賽，自願性質參加, 但我都想Jun可以參與下，學下關於節日的野, 反正都已經好一段時間無同佢做手工，一起做先….

本來構思做用廁紙筒，包裝紙，電筒，雜誌紙做金魚。但食月餅時見到個盒，覺得更好利用，因爲可以透光，就用黎做車啦
材料：月餅盒包裝膠吸索，果汁瓶蓋4個，燈泡連手把1個，手工秀麗紙1張
姑媽一起幫手做

整月餅

2007-09-17T03:23:00.000-07:00

響上次CWB果間學完整蛋糕，覺得地方不錯又教得幾好。我呢個Sunday又約左彤媽一齊去整月餅- Hello Kitty

Teddy & Me (Sept 2007)

2007-09-17T03:10:00.000-07:00

“Teddy” 係我生Jun時，廣告公司送比我的花籃裏的小熊，本來Jun對他不聞不問，一點興趣都沒有。

本來鍾情Barney (就係呢隻),

但唔記得幾時同點解,Jun1歲多d突然鍾意左呢隻Bear，可能是因爲睇書、電視裏面的小朋友一定“有bear相伴”，尤其是瞓覺。由Jun 2歲起返St. Simon 開始就跟加依賴Teddy, 認佢係best friend, 可能係因爲得Teddy可以陪佢返學，我地唔響身邊，陌生的環境時Teddy 一定響度，搞搞下瞓親覺，去邊都一定要帶埋Teddy，返學、瞓覺、去玩…

我地一路都想買多隻一模一樣做spare, 大一個size的就買左兩隻，但就係大左d，Jun唔鍾意，搵左兩年，未搵到一隻完全一樣前，Teddy就唔見左，8-sept, 07去祈福的第一日，唔見個刻，我地好擔心，唔知Jun會扭幾耐，Jun considered Teddy is his BEST friend. 我仲記得Jun 話 “This is my favourite toy in the world, it’s my Teddy. He is my BEST friend!” 響祈福夜晚瞓覺扭左幾次“我要bear bear呀， I want my teddy”(cried)見到有些心酸，但之後又唔係扭得好勁wor, 有兩日6am瞓瞓下話”I want my teddy, I want my teddy.”,跟住都無乜扭過。有次佢同我講J: “I miss my Teddy．I want it back” M: ”Teddy goes to the mountain, with his friends”J: “Teddy will be scared at the mountain.”M: “Teddy will be alright, he has his friends with him. He will meet new friends too, just like you.”Jun跟住無就出聲喇每逢有bear出現在電視商店或者書本，我都覺得Jun會諗起Teddy, 有種懷念的眼神。

暫時的替代品 – Baby Jaguar （實爲 Leopard, by NICI）

Jun呢輪喜歡睇Dora the Explorer, Dora’s cousin Diego有個好朋友– Baby Jaguar,好在佢都受呢隻，要買多隻都好容易

接放學（12-Sept, 07）

2007-09-14T02:06:00.000-07:00

今日嫲嫲去左Disneyland,我返去接放學。未停車，已經見到Jun周圍望找我，一見到我響車已經叫Mammy Mammy。一輪攔攔錫錫後，就去左買雞蛋仔，佢要企響凳度睇點整，夜晚返到去我當然無煮飯，叫左pizza, 咁多美食，簡直就好似同佢慶祝生日咁

嘴裏含住左雞蛋仔

買野篇

2007-09-14T01:16:00.000-07:00

唔知點解咁鍾意買野，可能遲D我有$$ D就反而可能會唔買野，到時應該會鍾意旅行囉。

(14-Sep,07)

路過city super竟然比我見到有Diego 野買，非常少有
Bath Gel & Lip palm

Bazaar Sale
Chicheeduck皮鞋$69,夠寬，又軟，得28號，大左少少，可能冬天至啱著,希望Jun肯著啦

Jun語錄 (Sept 07)

2007-09-13T20:35:00.000-07:00

4-Sept, 07瞓覺前，已關燈
M: 快d瞓喇!
J: I’m a super Prirate
M: 嚇？
J: Yes, I’m a super Prirate!
(9唔搭8 ，唔想瞓，岔開話題)
-----------------------------------------------------
M: Jun, be a good boy.
J: Be a good girl, Mammy. (仲掃下我個頭 " )
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

11-Sept, 07, 3:00am, 瞓覺中，祈福回來後第2晚
J: I want my best friend back, I want my Teddy (~cried)
J: 攬住，腳疼，手疼，搽cream，要飲水（同一時間，但我只得一對手 " ）

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

13-14 Sept, 07 6:00am, 瞓覺中, 發開口夢
瞓覺中, 發開口夢
已經是連續第2日，瞓瞓下發開口夢，訓訓下都會發開口夢叫"I want my teddy, I want my teddy", 希望他能快點“介Bear”，Mammy知你好挂住Teddy, 但Jun你要學習“分離”喇，努力！
-----------------------------------------------------

13-Sept, 07 差不多11：00pm瞓覺前，已關燈
M: Jun, 好瞓喇，night night. I love you
J: (silent)
M: Do you love me?
J: 你比壞人足左你
M: (嚇？)
J: 你比壞人足左你（笑）
M: 你去街吾拖住mammy就會比壞人足左你呀！
M: Do you love me?
J: I love you
(都幾9唔搭8)

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx

18-Sept, 07 同Jun 沖涼
M: 你今日響學校有冇扭計呀？
J: 有呀？
M: 做乜扭計呀？
J: 我挂住你呀
(立刻lum暈左，晤識反應)
M: hmm,下次挂住Mammy都唔可以扭計，你返到黎屋企mammy 陪你同玩啦
(咁口甜舌滑，唔知係米同倬僖學heehee)
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
19-Sept, 07 晚上
M: 你今日響學校有冇扭計呀？
J: 有呀？
M: 做乜扭計呀？
J: 你挂住我呀
M: 下，你挂住我？！！
（Junpa, 嫲嫲一起大笑）

xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
30-Sept, 07 Jun沖涼后，我幫他抹身
J: Do you got a baby? （指住我個肚）
M: 下？ Mammy doesn't have a baby! （我一定要減肥喇！）
J: No worry, I can be your baby
-----------------------------------------
1-Oct, 07 Junpa (D)同嫲嫲講返“I can be your baby”一事
D: Daddy 係邊個o既baby?
J: 嫲嫲
(哇，bingo！）
D: 姑媽係邊個o既baby?
J: 姑媽無baby
D: 姑媽係邊個o既baby?
J: Baby Jaguar
D: 姑媽係邊個o既baby?
J: 嫲嫲
(終于踫中，yeah！）

番禺祈福

2007-09-12T20:35:00.000-07:00

呢個weekend同倬僖一家（安安去左婆婆度渡假）去左祈福http://www.cliffordgroup.com/
，3日2夜，昨天剛回來，Jun攰到今日無返學（當然是嫲嫲叫架啦）
今次book thro 呢間agent http://www.lifeabc.com/joo/index.php?option=com_content&task=category&sectionid=1&id=2&Itemid=4
網站上有些村內旅遊景點介紹

Day 1 (8 Sept, 07, Sat)

9:15 在藍田坐永東巴士往祈福
10:00 皇崗過關
11:50 到達祈福
呢個weekend倬僖一家（安安去左婆婆度渡假）去左祈福http://www.cliffordgroup.com/，3日2夜，昨天剛回來，Jun攰到今日無返學
今次book thro 呢間agent http://www.lifeabc.com/joo/index.php?option=com_content&task=category§ionid=1&id=2&Itemid=4
網站上有些村內旅遊景點介紹

Day 1 (8 Sept, 07, Sat)

9:15 在藍田坐永東巴士往祈福
10:00 皇崗過關
11:50 到達祈福
Jun 全程坐車咁悶竟然連電視（PSP）都冇要求過，臨落車時瞓著左

今日發生左件對Jun黎講好大的事 – Teddy Bear Bear唔見左，唉， Jun considered Teddy is his BEST friend. 我仲記得Jun 話 “This is my favourite toy in the world, it’s my Teddy. He is my BEST friend!“

與Bear Bear 的最後一張合照，看起來有點傷感

間apartment都ok,新裝修，乾淨，3房3廁，小露台，1100尺左右.

你分比我，我又分比你

下午一直在祈福酒店度假俱樂部

lunch@的祈福軒，飲茶，普通，不是太好吃，又貴（與比我們之後的meal對比）

游泳，波波池

17:30 好耐無試過5點幾就食晚飯，上左半山會所，王青青泰國菜館,外面能看到半山住所的游泳池。

夜晚瞓覺扭左幾次“我要bear bear呀， I want my teddy”(cried)見到有些心酸，但我反而希望Jun可以成功“介Bear”
Jun反應得比我地想象的來得溫和，又大個左d喇！又或者因爲有僖僖爲伴，有好朋友有安全感

Day 2 (9 Sept, 07, Sat)

香江野生動物園http://www.xjzoo.com.cn/ ，長隆國際大馬戲 http://www.clcircus.com/

買到飛，可以入場，好野！（特價團體票￥95；1.1米以下免費）

先坐火車走一圈safari area, 好多動物呀!

喂动物食野- elephant, giraffe, monkey
兒童樂園機動遊戲

dinner@順德小炒，原來個老闆之前走左佬，所有人都是新的，應該去骨頭館，不過順德小炒都ok,豆腐好有豆味
好在玩得攰，抱住響zoo買的新bear bear 瞓，冇扭要Teddy

Day 3 (10 Sept, 07, Mon)

游泳、波波池 encore
lunch@俱樂部食通天,，兩個細路食食下野就瞓左
15:30回程

祈福新村好大
時間唔夠，以下景點無去到
千色園祈福湖祈福農莊
有機會就下次去

 全程大約開支（4大2細）：
Apartment = $1,000
直通巴 = $960
Zoo + Circus + 來回包車 = ￥850
代用卷 = ￥100
Day 1 游泳池 = ￥135
Day 3游泳池 = ￥115 （扣2代用卷）
Day 1 Lunch ￥175 + Dinner ￥210,
Day 2 Dinner ￥165 + Zoo playground tickets ￥90,
Day 3 Breakfast ￥80 + Lunch￥150.
————————————————
Total is $4,030
平均每個家庭$2,000; 抵玩

小廚師香蕉吉士蛋糕（2-Sept, 07 Sunday)

2007-09-12T19:48:00.001-07:00

星期天跟彤媽，Esme媽去左銅鑼灣勿地臣街Petit Fours 整蛋糕，今次整香蕉吉士蛋糕，本來應該是整朱古力蛋糕，但Jun 話要整“Vanilla Cake”, 所以晤落朱古力.

蛋糕餅底局緊時，就用朱古力寫字畫花，再整Banana custard

一整好個餅底就係咁食

“Meet” 香蕉做decoration

Chala - Done

返到屋企當然又要玩“生日party”遊戲啦，吾講以爲真係佢生日呀

Hair Cut (1-Sept, 2007 Saturday)

2007-09-12T19:41:00.000-07:00

Jun 好似成個幾月未剪頭髮，去TKO新寶城Merci Salon (Wing)到剪頭髮，上次Nick 婆婆介紹，剪得幾好。今次連Junpa都響度剪。Jun真係大個左，無喊又無扭過，一邊剪一邊食Popcorn, 都吾知幾enjoy!

剪髮後一邊食Popcorn一邊等Junpa。小圖爲未剪發前。

照下鏡先，EE

角色扮演

2007-09-12T19:10:00.000-07:00

Aug 2007
角色扮演- 超凡想象力,自得其樂
Bus driver （個box 只比A4大少少，估唔到咁細都坐得落）

戴頭盔坐單車，響屋企樓下接我同Junpa放工。

Magician （一日都黑都扮，有唔同造型）

呢個Junpa一入門口笑爆嘴，一身5顔6色，又短袖，短褲，戴圍巾，一味話凍，原來扮砌雪人，最搞笑係佢帶住對襪話係mitten, 肚”cool” 當泠帽，水鞋當雪靴。

睇睇下佢呢身打扮又幾Hip-pop！

3歲生日會

2007-09-12T18:43:00.000-07:00

這是Jun第一個生日會

Date：29 July 2007 (SUN)

Venue：McDonald, Hollywood Plaza, Diamond Hill

BB精靈騷 Where is the Green Sheep? (28-Jul, 07)

2007-09-06T02:51:00.000-07:00

今日好多節目，一早去Justin的生日會，下午就去Hay Hay (Ryan) 的生日會,之後就去左沙田大會堂展覽廳睇

國際綜藝合家歡2007 BB精靈騷
Where is the Green Sheep?
大風車劇團（澳洲）
主持 : 潘芳芳姐姐

Where is the Green Sheep? was first published by Penguin Books Australia, 2004

這班羊咩咩，的確非一般：牠們喜歡盪鞦韆、玩滑梯、風馳電掣、彈結他、浸泡泡浴、放風箏。牠們興高采烈之際，忽然發現綠色小綿羊不見了……澳洲大風車劇團擅長演繹兒童文學名著，前作《亮晶晶動物嘉年華》在2004年「國際綜藝合家歡」贏盡喝采。今次劇團以米安姆．霍士與茱迪．荷拉錫的作品《綠色綿羊哪裡去？》為藍本，將原著的奇趣故事及可愛插圖，以繽紛的佈景道具、鬼馬的現場音效，轉化成一齣別開生面的BB精靈騷。小朋友、大細路將會在圍欄的草地上，跟隨多隻趣致可愛的小綿羊，一起追尋失落的綠綿羊，兼一齊唱歌、跳舞、學英文，過程樂趣滿Fun，人人開心！
(quote from http://www.hkiac.gov.hk/2007/b5/prog/sheep.html)

Green Sheep 一直都沒有出現直到最後小朋友可以排隊一個個去看、摸Green Sheep. Oh, the Greep Sheep is sleeping in the cave, Shhhhh!

3歲生日 - Ocean Park (27-Jul, 07)

2007-09-05T18:55:00.000-07:00

Jun 今天3歲了，就如往年一樣，請了一天假同Jun一起渡過。
1歲- BB Cute Studio 影相
2歲- Ocean Park (1st time)
3歲- Ocean Park (2nd time)

今天也是Nick Fung的生日，我地結伴一起去。

Ocean Park多了新成員-盈盈&樂樂

坐cable car, Jun一d都唔驚，依然笑容燦爛，睇風景

Nick Nick & parents.古靈境怪得佢！

去到Aquarium, 兩個都好開心，一起搵魚，見到魔鬼魚、海龜、鯊魚、青衣…

去到兒童王國，Jun要同每只動物公仔影相

話說去到充氣彈床，玩就要排隊，大人不能陪，Nick竟然怕到喊，Jun立刻走去拖住Nick一起排，希望佢地一路都係好朋友，將來可以互相扶持（會唔會諗得太遠呢）

Jun去年已經出乎我地意料之外自己坐，今年當然難唔到佢啦，但Nick唔敢自己玩，喊晒。

一齊揸車，我一路唱“Wheels on the bus, people on the bus..”，佢地一路做動作，唱到“Baby on the bus” ，佢地兩個一起扮喊wor

平時個Merry-go-round係馬，今次係panda,又幾有新意wor

離開Ocean Park順路去探公公，又有山楂餅食。

夢想成真

14個人1個盆菜

Into The Woods

童話故事

細姑媽一家回來過節!

聖誕樹

聖誕木頭蛋糕

story smart 的作品 （三）

德福迪士尼聖誕裝飾

上海的大闸蟹

Megabox的大象

Spanish (9)

薯條？！

我想做功課

Spanish 10

Into the woods

有新歡！

出差又黎病

story smart 的作品 （二）

Spanish 8

水果圖片

聖誕薑餅屋

Tickle Elmo

笑爆嘴-泰文

學校旅行

白石BBQ

Nancy姨媽的house warming party

Spanish第7課 (3-Nov, 07)

食食食的一日

Anpanman Mitten

斑蘭muffin & 牛油曲奇

Ice-cream restaurant?!

聖安娜果凍

我係隻快樂既袋鼠

自己的事自己做

Spanish第6課 (27 Oct, 07)

Krispy Kreme Halloween doughnut

麵包超人濕紙巾&毛巾布料

爸爸媽媽講故事

瑤柱火腿鷄絲炒公仔面

pancake早餐

剪頭髮

Spanish 5

重陽節

似邊個?!

重陽節--慶祝會

一個早上整左兩個蛋糕?!!

Spanish第4課

學校中秋節提燈會

麵包超人牛仔布波鞋

Photoscape

定期检查

砵砵車 (Oct - 07)

Terry娶老婆

歌和老街公園

Spanish第3課

Baby Jaguar 晤見左！！！

老師的話 (2) Oct 2007

Jun早上出門返學情況

10月號巧虎幼幼版

Haagen-Daz 8個scoop

國慶日假期

學校的手工 (Sept, 07)

Beach + Circus Oz

Spanish第二課

中秋節

老師的話

臻臻與倬僖細個vs現在

First Dental Check

Spanish變左French？！！

肚疼（20-Sept 2007）

Learning Spanish??!!

自製環保燈籠

整月餅

Teddy & Me (Sept 2007)

接放學（12-Sept, 07）

買野篇

Jun語錄 (Sept 07)

番禺祈福

小廚師香蕉吉士蛋糕 （2-Sept, 07 Sunday)

story smart 的作品（三）

story smart 的作品（二）

小廚師香蕉吉士蛋糕（2-Sept, 07 Sunday)